Xa está dispoñible a ficha estadística económica e social de Galicia correspondente a 2020. O resumo de datos que elabora o CES pretende ser unha visión global e xenérica da situación socioeconómica anual na Comunidade e pode consultarse na sección "Galicia en datos". Nas súas páxinas, a ficha recolle, a través de criterios obxectivos e sen entrar en consideraciónss, aqueles aspectos máis relevantes, desde o punto de vista económico, da realidad galega a través de diferentes indicadores e gráficos, extraídos de fontes como o IGE, o INE ou a DGT.

A Comisión Permanente do CES continúa a traballar na modificación e posta ao día do Regulamento de réxime interno do organismo para axustar o seu contido aos cambios lexislativos –como o número de membros, por exemplo– e na normativa lingüística e tamén para utilizar unha linguaxe inclusiva. Na súa sesión de hoxe, celebrada a través dunha videoconferencia, os membros da Comisión foron repasando polo miúdo cada un dos artigos para propoñer as modificacións axeitadas.