Presentada a proposta de traballo para o informe sobre dinámica empresarial na CS-1
A proposta de traballo para a elaboración do informe sobre o “Tecido empresarial galego e dinámica empresarial. Análise comparada” foi presentada hoxe aos membros da Comisión sectorial nº1 por un responsable do equipo da Universidade de Vigo que se encargará da elaboración do traballo. O profesor Patricio Sánchez expuso as liñas mestras do estudo, que se dividirá en catro apartados (contexto económico, tecido empresarial, dinámica empresarial e conclusións) e estará baseado nunha metodoloxía con distintas análises (descritiva, comparativa, estatística e cualitativa). Con ese estudo, e coas aportacións dos membros da Comisión, o obxectivo é acadar conclusións e recomendacións obxectivas e consensuadas, con prazos diferenciados e con destinatarios identificables. Está previsto que o documento esté rematado a finais deste mesmo ano.
O presidente do CES participa nas xornadas de presentación do CISPAC en Santiago
Encadrado nunha mesa redonda sobre “O valor do turismo e o valor das paisaxes”, o presidente do CES-Galicia –na imaxe, o segundo desde a dereita– participou no evento de presentación pública do Centro de Investigación Interuniversitario das Paisaxes Atlánticas Culturais (CISPAC), que se celebrou entre o 19 e o 21 de outubro na Cidade da Cultura compostelá.
O CISPAC, ao que se incorporaron no mes de xuño máis de 80 investigadores e investigadoras das tres universidades galegas, pretende ser referente no panorama internacional das humanidades e das ciencias sociais, abordando un estudo transdisciplinar a través de cinco campos de traballo: paisaxes que teñen xente, paisaxes que producen, paisaxes gobernadas, paisaxes que teñen patrimonio e paisaxes visitadas.
Dixitalación, iniciativa e capacidade de adaptación. Presentado o informe sobre novas tecnoloxías para unha sociedade 5.0
A transformación dixital do noso entorno é xá unha realidade, unha revolución que afecta a todos os sectores económicos e sociais e que require iniciativa e capacidade de adaptación. Así o recolle o informe do CES “Galicia 2030: unha dixitalización 4.0 para unha sociedade 5.0”, que onte foi presentado nun acto na Universidade de Vigo que estivo presidido polo reitor da institución académica, Manuel Reigosa e contou coa presencia do presidente da Confederación de Empresarios de Pontevedra, Jorge Cebreiros, e do presidente do CES-Galicia, Agustín Hernández.
Unha conferencia do coordinador do equipo que elaborou o documento, o catedrático da Uvigo Xosé H. Vázquez, serviu para exponer os distintos aspectos do fenómeno. O informe completo pode consultarse nesta mesma páxina, na columna da esquerda.
O acto completouse con dous coloquios, un centrado nos aspectos máis tecnolóxicos e empresariais (a dixitalización 4.0) e outro que, coa presencia dos axentes sociais representados no CES, abordou os cambios que atoparemos na sociedade 5.0.
O CES presenta mañana o seu informe "Galicia 2030: unha dixitalización 4.0 para unha sociedad 5.0"
O Salón de Graos da Facultade de Ciencias Económicas e Empresariais da Universidade de Vigo, no campus das Lagoas-Marcosende, será o esceario para a presentación do último informe aprobado polo CES: "Galicia 2030: unha dixitalización 4.0 para unha sociedad 5.0". Unha conferencia do profesor Xosé H. Vázquez, coordinador do equipo de trabajo que elaborou o informe, servirá como comezo do evento, que se completará con dous coloquios con representantes de empresas e dos axentes económicos e sociais representados no CES sobre os retos e oportunidades da dixitalización.
Reunión de traballo do gabinete técnico do CES Galicia con técnicos do CES de España sobre as novidades da Memoria socioeconómica
O gabinete técnico do CES-Galicia mantivo hoxe unha reunión de traballo con parte do equipo técnico da área de estudos do CES de España, na sede do organismo consultivo en Madrid, para analizar os cambios introducidos no proceso de elaboración da memoria socioeconómica deste último ano e as novidades que poderían implementarse para estes vindeiros exercicios. José Francisco Armesto, acompañado polo secretario xeral do organismo galego, Manuel Martínez, compartiron opinións e experiencias co director de área do gabinete de estudos do CES, Luis Sauto, e os coordinadores desa área Reyes de Blas, Fernando Martínez e Nuria Moreno sobre eventuais cambios e procesos de mellora para o documento socioeconómico anual do CES.
Cunha comparecencia do director de Agacal, comeza a elaboración do ditame sobre o anteproxecto de Lei de calidade alimentaria
Unha comparecencia do director da Axencia Galega de Calidade Alimentaria (Agacal), José Luis Cabarcos Corral, diante da Comisión sectorial nº 1 foi o primeiro paso do proceso de elaboración do ditame sobre o anteproxecto de Lei de calidade alimentaria de Galicia, que ven de ter entrada no CES.
O director explicou que o anteproxecto, que é unha actualización do marco normativo relativo á regulación da calidade, ten entre os seus obxectivos achegar aos consumidores garantías de que o produto que se ofrece pasou rigorosos controis de calidade cun especial coidado no proceso de produción e comercialización e favorecer o desenvolvemento local e a creación de emprego.
Cabarcos foi repasando os principais contidos da nova normativa e as novidades máis salientables (como a creación de dos novos órganos de consulta e participación ou o establecemento dun sistema de certificación e sustentabilidade, por exemplo), antes de facer unha completa exposición do anteproxecto. Ao remate da sesión, a Comisión fixou un calendario de reunións para a redacción da proposta de ditame.
Páxinas
- « primeira
- ‹ anterior
- …
- 8
- 9
- 10
- 11
- 12
- 13
- 14
- 15
- 16
- …
- seguinte ›
- última »
|
|
| Que é o CES |
|
| Ditames, informes e publicacions |
|
| Indicadores de conxuntura da economía galega |
|
| Transparencia |
|
| VIII Premio Valentín Paz Andrade |
Algalia de Abaixo 24, 15704 Santiago de Compostela (A Coruña).png)
981 541 650