A Comisión sectorial nº 1 do CES-Galicia comezou hoxe os traballos para a elaboración dun novo informe. No marco dunha reunión do órgano, os membros asistiron á presentación preliminar do prantexamento e índice do estudo sobre “As medidas para o desenvolvemento do sector industrial manufactureiro”, que contará coa colaboración técnica do profesor da Universidade de Vigo Ernesto López-Valeiras, do Departamento de Economía Financeira e Contabilidade.
Entre outros aspectos, o informe pretende caracterizar a situación actual a través dos datos estatísticos máis relevantes, pero tamén de enquisas aos principais actores sectoriais para pulsar as súas percepcións, diagnosticar os retos e oportunidades nas cadeas de valor e, en definitiva, apuntar medidas para o desenvolvemento e a priorización das mesmas.