Cunha comparecencia do director de Agacal, comeza a elaboración do ditame sobre o anteproxecto de Lei de calidade alimentaria
Unha comparecencia do director da Axencia Galega de Calidade Alimentaria (Agacal), José Luis Cabarcos Corral, diante da Comisión sectorial nº 1 foi o primeiro paso do proceso de elaboración do ditame sobre o anteproxecto de Lei de calidade alimentaria de Galicia, que ven de ter entrada no CES.
O director explicou que o anteproxecto, que é unha actualización do marco normativo relativo á regulación da calidade, ten entre os seus obxectivos achegar aos consumidores garantías de que o produto que se ofrece pasou rigorosos controis de calidade cun especial coidado no proceso de produción e comercialización e favorecer o desenvolvemento local e a creación de emprego.
Cabarcos foi repasando os principais contidos da nova normativa e as novidades máis salientables (como a creación de dos novos órganos de consulta e participación ou o establecemento dun sistema de certificación e sustentabilidade, por exemplo), antes de facer unha completa exposición do anteproxecto. Ao remate da sesión, a Comisión fixou un calendario de reunións para a redacción da proposta de ditame.
O Pleno aproba o informe “Galicia 2030: unha dixitalización 4.0 para unha sociedade 5.0”
O Pleno do Consello Económico e Social de Galicia ven de aprobar na súa sesión de hoxe, sen votos en contra, o informe “Galicia 2030: unha dixitalización 4.0 para unha sociedade 5.0”. Trátase dunha exhaustiva reflexión muitidisciplinar e variopinta sobre os retos da dixitalización, un estudo que inclúe, ademais dunha diagnose detallada do estado actual deste proceso, a identificación dos principais retos aos que se debe facer fronte e o debate de propostas e opinións dos principias axentes da sociedade civil. O informe, que se presentará en breve, foi elaborado a través dun convenio entre o CES e a Universidade de Vigo e estivo dirixido polo catedrático Xosé H. Vázquez.
Aberta a convocatoria da IX edición do Premio Valentín Paz Andrade de investigación en economía de Galicia
Deste este xoves e ata o vindeiro 30 de outubro de 2022 está aberta a convocatoria da nova edición do Premio Valentín Paz Andrade de investigación en economía de Galicia, que o CES e o IDEGA da USC convocan de forma conxunta. No prazo establecido, calquera profesor, investigador ou institución pode facer chegar á secretaría do IDEGA a súa proposta de candidatura ao premio, con indicación de autoría, título e información de edición, engadindo unha copia en papel e indicación dun mecanismo de acceso electrónico ao recurso (ou copia en soporte USB). As bases completas poden consultarse no documento incluido nesta páxina.
O CES de España presenta en Marín o seu informe “Mulleres, traballo e coidados: propostas e perspectivas de futuro”.
A xornada do vindeiro mércores completarase cun coloquio con traballadoras do sector do mar
“Mulleres, traballo e coidados: propostas e perspectivas de futuro” é o título dun recente informe do Consejo Económico y Social (CES) de España que se presentará este vindeiro mércores na localidade pontevedresa de Marín. A presentación, que se celebrará no museo Manuel Torres desa cidade, correrá a cargo da conselleira do CES Elena Blasco Martín, presidenta da comisión de traballo encargada da redacción do documento.
O presidente do CES entrega ao Parlamento a Memoria sobre a situación económica e social de Galicia 2021
O presidente do Consello Económico e Social, Agustín Hernández Fernández de Rojas, entregou este mediodía ao presidente do Parlamento de Galicia, Miguel Ángel Santalices Vieira, a Memoria sobre a situación económica e social de Galicia 2021. Acompañado polo presidente de turno da comisión sectorial encargada do traballo, o representante do sindicato CC.OO. Xesús Castro, o presidente explicou o contido do documento e repasou algunhas das consideracións que recolle. Hernández fixo entrega tamén de tres exemplares maís para os distintos grupos paralmentarios.
Presentación da Memoria socioeconómica de Galicia 2021
Logo da súa aprobación polo Pleno o pasado 22 de xullo, hoxe foi presentada a Memoria sobre a situación económica e social de Galicia 2021, que xa está dispoñible na web do organismo. Dividida nos habituais cinco capítulos, o documento deste ano inclúe 80 consideracións, opinión e aportacións dos membros do Consello sobre a nosa realidade e os principais retos que estamos a afrontar, desde a demografía á dixitalización pasando pola transición enerxética ou o crecemento inclusivo. Pode consultar a Memoria completa nesta páxina.
Páxinas
- « primeira
- ‹ anterior
- …
- 9
- 10
- 11
- 12
- 13
- 14
- 15
- 16
- 17
- …
- seguinte ›
- última »
|
|
| Que é o CES |
|
| Ditames, informes e publicacions |
|
| Indicadores de conxuntura da economía galega |
|
| Transparencia |
|
| VIII Premio Valentín Paz Andrade |
Algalia de Abaixo 24, 15704 Santiago de Compostela (A Coruña).png)
981 541 650