inicio - Novas
 12/04/2024  

O CES de España presenta en Vigo o seu informe sobre pesca, acuicultura e industria transformadora

museo mar pesca

O documento La Pesca, la Acuicultura y la Industria Transformadora en España. Retos para su sostenibilidad foi presentado no Museo do Mar de Galicia

Cunha nutrida presencia de representantes do sector do mar, o Consejo Económico y Social de España (CES) presentou no auditorio do Museo do Mar de Galicia, na cidade de Vigo, o seu informe La Pesca, la Acuicultura y la Industria Transformadora en España. Retos para su sostenibilidad. O acto foi inaugurado polo presidente do Consejo, Antón Costas; o presidente do Consello Económico e Social de Galicia, Manuel Pérez; e a secretaria general de Pesca do Ministerio de Agricultura, Pesca y Alimentación, María Isabel Artime. O director xeral de Pesca, Acuicultura e Innovación Tecnolóxica da Consellería do Mar da Xunta de Galicia, Antonio Basanta, foi o encargado de pechar o encontro.

 10/04/2024  

Gabanza da experiencia e o voluntariado

secot 30

O presidente do CES participa no 30º aniversario da asociación de voluntarios senior SECOT Galicia

A experiencia como valor e a solidariedade coa sociedade como modo de vida. Os voluntarios senior agrupados na asociación Secot (Seniors Españoles para la Cooperación Técnica) celebraron o seu trigésimo aniversario en Galicia nun acto en Pontevedra, na sede do Confederación de Empresarios, no que quixeron poñer en valor o seu compromiso social co emprendemento e a importancia do envellecemento activo como forma de vida. Entre os invitados, o presidente do CES-Galicia, Manuel Pérez, quen gabou a traxectoria da organización, os seus fins solidarios e salientou as vantaxes do contacto interxeracional que aportan as súas iniciativas.

 05/04/2024  

Reunión dos CES españois preparatoria do próximo Comité de Orientacións da RTA

reunión RTA

Os CES españois membros da RTA, entre os que se atopa o CES Galicia, mantivieron unha reunión para achegar posturas para a próxima reunión do Comité de Orientación da organización, que se celebrará en maio na localidade francesa de Rennes.

Nun encontro celebrado onte, acordaron propor como próximo tema de traballo da RTA a Macrorrexión Atlántica, así como ver formas de colaborar para traballar en dous ámbitos que hoxe en día adquiren especial relevancia, o despoboamento e os movimientos de inmigración/emigración.

 20/03/2024  

Presentados os informes sobre a situación demográfica e sobre os custos da crianza do Observatorio Galego de Dinamización Demográfica

observatorio demográfico

A sede do Consello Económico e Social acolleu onte a presentación dos dous últimos informes do Observatorio Galego de Dinamización Demográfica: o relativo á situación demográfica de Galicia en 2023 e unha análise dos custos que implica a crianza, considerado pioneiro no seu campo. En presencia da conselleira de Política Social e Xuventude, Fabiola García, o de presidente do CES, Manuel Pérez, a coordinadora dos traballos, a profesora María Xosé Rodríguez Galdo, comentou os documentos e gabou a dedicación e profesionalidade dos membros do Observatorio.

 13/03/2024  

O presidente do CES aposta polo diálogo para abordar os problemas do sector pesqueiro nunha xornada organizada polas confrarías

coloquio confrarías

O presidente do CES-Galicia, Manuel Pérez, sinalou o diálogo como a mellor vía para abordar os retos de futuro que afronta o sector pesqueiro galego. Pérez participou nunha xornada de debate organizada pola Federación Galega de Confrarías de Pescadores para analizar os problemas do sector e tentar atopar solución. Na mesa redonda fíxose un repaso a aspectos como a demandada rebaixa do IVE do peixe, as ameazas da instalación de parques eólicos mariños para algún caladoiros, as crecentes esixencias medioambientais, as modificacións de todo tipo que provoca o cambio climático ou as dificultades para acadar o relevo xeracional, entre outros. No coloquio participaron tamén o director xeral de Pesca da Xunta de Galicia, Antonio Basanta Fernández; o presidente da Federación Nacional de Confrarías, José Basilio Otero Rodríguez; e o presidente da Federación Galega de Confrarías, José Antonio Pérez Sieira.

Todos eles indicaron que a actividade pesqueira atópase nun momento complicado, con dificultades de todo tipo, pero amosaron a súa esperanza en que o sector será quen de adaptarse aos cambios e atopar solucións a eses desafíos.

 08/03/2024  

Coloquio sobre a situación e o futuro do sector pesqueiro organizado pola Federación de Confrarías

redes

A Federación Galega de Confrarías de Pescadores celebrará este vindeiro martes, 12 de marzo, unha mesa redonda para afondar na realidade actual e o futuro da actividade pesqueira en Galicia. A xornada, que conta coa colaboración do Consello Económico e Social, terá lugar nos locais da organización en Ames. Titulado A situación actual do sector pesqueiro e perspectivas de futuro: visión desde Galicia, o coloquio abordará asuntos como o impacto da eólica mariña no sector, a rebaixa do IVE do peixe, a protección dos mamíferos mariños ou o impacto da mortandade de moluscos nas rías, entre outros. O debate comezará as 10:30 horas e contará coas opinións do director xeral de Pesca da Xunta de Galicia, Antonio Basanta Fernández; do presidente da Federación Nacional de Confrarías, José Basilio Otero Rodríguez; do presidente do CES-Galicia, Manuel Pérez Álvarez; e do presidente da Federación Galega de Confrarías, José Antonio Pérez Sieira.

Páxinas