As conexións de todo tipo entre sostibilidade, enerxía e infraestruturas foron o núcleo do I Foro Europeo da Rede Transnacional Atlántica (RTA), que se celebrou en Huelva coa participación do Consello Económico e Social de Galicia. Os CES da fachada atlántica de España e Francia agrupados na RTA reuníronse na cidade andaluza para analizar de xeito conxunto os novos modelos de mobilidade, a sostibilidade enerxética e as infraestructuras que, a nivel europeo, demandan os novos tempos.
O presidente do CES-Galicia, Manuel Pérez, e o secretario xeral do organismo, Manuel Martínez, xunto cos seus homólogos dos organismos consultivos das outras comunidades e os representantes galos, poideron ter información de primeira man sobre as geopolíticas da transición enerxética en perspectiva europea, o proxecto de corredor verde Andalucía-Roterdam ou novas experiencias en materia de enerxías alternativas. No eido das infraestruturas, o interese estivo marcado polo Corredor Atlántico, as súas conexión transfronteirizas e o estado da súa implementación. Este é un asunto no que a RTA ven traballando arreo nos últimos anos.
Previamente, os representantes dos CES da RTA tiveron ocasión de visitar o parque nacional de Doñana e a planta de enerxía da compañía Cepsa en La Rábida, onde coñeceron as instalacións e os proxectos en materia de hidróxeno verde
.
