O presidente do Consello Económico e Social de Galicia, Manuel Pérez, foi o encargado de abrir e dar a benvida institucional á sesión de hoxe do pleno do Observatorio Galego de Dinamizacion Demografica, que ten a súa sede neste organismo consultivo. Na sesión, os representantes e membros do Observatorio aprobaron o informe anual do organismo, que este ano está adicado ao problema do envellecemento poboacional.
Na imaxe, a profesora Galdo, directora do Observatorio, e Manuel Pérez durante a sesión plenaria.