Na sesión 7/22, o Pleno do CES Galicia ven de aprobar por unanimidade o ditame sobre o anteproxeto da lei de artesanía de Galicia. O CES Galicia estima necesaria a promoción e protección de toda a diversidade de expresións e riqueza dos produtos artesáns galegos que contribúen ao desenvolvemento local, a sustentabilidade, a economía circular e a preservar uns valores culturais. Entendendo que estas actividades mudan e se adaptan aos tempos, o CES valora positivamente a actualización do marco normativo da artesanía de Galicia, dado o tempo transcorrido desde a aprobación da normativa vixente (Lei 1/1992, de 11 de marzo, de Artesanía de Galicia) e a necesidade de adecuar a regulación á nova realidade do sector artesanal, co ánimo de promover a súa relevancia social, cultural, identitaria e económica e incrementar a súa profesionalización e competitividade.
traballos relacionados:
Ditame sobre o anteproxecto de Lei artesanía de Galicia