O presidente do Consello Económico e Social de Galicia, Manuel Pérez, salientou a importancia que ten o estudo do dereito da competencia e o dereito do traballo, en todas as súas variedades, no fomento da cohesión económica, social e territorial dunha sociedade.
No marco dun seminario organizado polos departamentos de Dereito Mercantil e Dereito do Traballo da Universidade de Vigo celebrado hoxe na sede do CES baixo o título de “Seminario de Transferencia”, Pérez salientou, antes de dar paso ás deliberacións dos poñentes, que estas especialidades buscan a mellor manera de combater a exclusión social e o fomento da xustiza, a protección social e o igualdade entre homes e mulleres e a siolidariedade entre xeracións.
Nas distintas ponencias e mesas de debate, os expertos participantes abordaron distintos aspectos deste eido.