A directora xeral de estratexia industrial e solo empresarial da Consellería de Economía e Industria, Margarita Ardao, acompañada pola xefa do servizo de Promoción Industrial, Belén Yáñez, compareceu hoxe na sesión da Comisión sectorial nº 1 do CES para explicar polo miúdo as liñas básicas do plan sectorial do naval de Galicia. A comisión está a traballar na elaboración do ditame solicitado sobre ese asunto, logo de rematar a súa proposta de ditame sobre o sector do automóbil, que xa está en trámite de aprobación polo Consello.
