inicio - Novas
 01/03/2022  

Cambio climático e transición enerxética protagonizan unha nova xornada do CES

xornada cambio climático

O encontro celebrarase o vindeiro 11 de marzo e poderá seguirse en directo vía streaming

As ameazas do cambio climático e o actual proceso de transición enerxética no que están inmersos os nosos sistemas produtivos serán os protagonistas dunha nova xornada do CES, que se celebrará o vindeiro 11 de marzo. As intervencións dos distintos expertos que abordarán os diferentes aspectos destes asuntos desde a sede do Consello poderán seguirse en directo vía streaming a través da nosa canle de YouTube.

Coa idea de aportar reflexións globais sobre esa problemática e as súas múltiples facianas, o CES vai reunir a representantes da Administración (para falar da planificación da transición enerxética), das empresas enerxéticas e de combustibles e do sector da automoción (os novos retos do transporte sen emisións), pero tamén se contemplarán as visións dos colectivos ecoloxistas sobre a protección do medio ambiente. O encontro reservará tamén protagonismo para os representantes dos sindicatos maioritarios e as súas reflexións sobre cambio climático e emprego, que pecharán a xornada.

 21/02/2022  

Aprobado o ditame sobre o anteproxecto de Lei de mellora da xestión do ciclo integral da auga de Galicia

ciclo auga

O Pleno do CES aprobou na súa sesión do pasado venres o ditame sobre o anteproxecto de Lei de mellora da xestión do ciclo integral da auga de Galicia. Aprobado por maioria e sen votos en contra, o ditame, que valora positivamente a iniciativa normativa, recolle 11 consideracións xerais e oito consideraciós particulares ao texto. Entre outros aspectos, o Consello fala da necesidade de “adoptar una perspectiva o máis ampla posible da problemática do ciclo integral da auga”.

 18/02/2022  

O CES súmase á dor de toda Galicia polos falecidos e desaparecidos no naufraxio do buque Villa de Pitanxo en Terranova

crespón

O Pleno do Consello Económico e Social súmase a dor de Galicia polas vidas perdidas no naufraxio do pesqueiro Villa de Pitanxo en augas de Terranova. En sesión plenaria celebrada hoxe, os membros do CES amosan a súa solidariedade e agarimo para as familias dos falecidos e os desaparecidos, aos seus amigos e achegados e a toda a xente do mar de Galicia nestes duros momentos e expresan as súas condolencias para todos eles. O Consello comparte a tristeza e o luto oficial que vive Galicia.

 15/02/2022  

As xornadas organizadas polo CES en 2021 superan as 2.700 visualizacións na canle de YouTube do organismo

xornadas YouTube

Con máis de 2.700 visualizacións ata a data, os vídeos das distintas xornadas organizadas polo CES en 2021 que se poden atopar na canle de YouTube do organismo convertéronse nun valioso medio de proxección da actividade do Consello. A través deste medio, calquera persoa interesada pode ter acceso no seu dispositivo a todo o contido –intervencións, presentacións, debates…– das actividades organizadas neste último ano: xornada sobre a dixitalización, conferencia sobre a tarifa eléctrica en España, xornada de economía social e xornada sobre o futuro do medio rural. O CES ten previsto seguir subindo contido a esta canle con novas iniciativas que está a preparar.

 04/02/2022  

O CES investigará os impactos económicos e socias da covid-19 en Galicia

informe covid Galicia

A Comisión Permanente do CES aprobou na súa sesión de hoxe a elaboración dun traballo de investigación sobre o impacto da covid-19 en Galicia e as consecuencias económicas e sociais da pandemia en diversos ámbitos. O informe levarase a cabo a través dun convenio de colaboración coa Universidade de Santiago de Compostela.

 03/02/2022  

Os membros da RTA estudian os documentos da Comisión Europea sobre a revisión do regulamento de mobilidade verde e eficiente para o seu seguimento

videoconferencia RTA

Responsables dos CES españois, franceses e portugués agrupados na Rede Transnacional Atlántica (RTA) participaron nunha reunión virtual para compartir a presentación dos documentos publicados o pasado mes de decembro para Comisión Europea sobre a revisión do regulamento da Red Transeuropea de Transportes (RTE-T Efficient and Green Mobility.

Páxinas