inicio - Novas
 07/09/2023  

O CES organiza unha xornada de debate sobre o sector enerxético

xornada enerxía

O salón do Pleno do Consello Económico e Social acollerá este vindeiro luns, 11 de setembro, unha xornada de debate sobre o sector enerxético en Galicia protagonizada polo axentes sociais representados no organismo. Organizado en torno a tres mesas de debate, o evento busca afondar nos distintos aspectos dun sector estratéxico que está a vivir profundos cambios e de entender cal vai ser o seu futuro.

Nunha primeira mesa, analizaranse os impactos do sector enerxético no territorio, tanto desde o punto de vista do ámbito económico xeral como do da industria, dos usuarios… fixando a atención nas peculiaridades de Galicia. O impacto das novas fontes de enerxía, protagonistas do futuro como consecuencia do proceso de descarbonización no que nos atopamos, centrará a segunda mesa, que reunirá a representantes sindicais. Unha tercera mesa xirará en torno ao impacto do sector enerxético no sector agrario e nos consumidores, con membros das organizacións destes colectivos.

Este xornada pon o colofón ao traballo sobre este sector levado a cabo polo CES, que se concretou na recente aprobación do seu informe 1/23: “O sector enerxético galego: presente e futuro”.

 27/07/2023  

O presidente do CES entrega ao Parlamento a Memoria Galicia 2022

Parlamento G22

O presidente do Consello Económico e Social, Agustín Hernández Fernández de Rojas, entregou onte ao presidente do Parlamento de Galicia, Miguel Ángel Santalices Vieira, a Memoria sobre a situación económica e social de Galicia 2022. Nunn acto protocolario xa clásico, acompañado polo presidente de turno da comisión sectorial encargada do traballo, o representante da CEG José Antonio Neira, o presidente explicou o contido do documento e repasou algunhas das consideracións que recolle. Hernández fixo entrega tamén de tres exemplares maís para os distintos grupos parlamentarios.

 11/07/2023  

O CES Galicia participa no Comité Territorial del Área de Cooperación Galicia – Norte de Portugal

cooperación

O CES-Galicia participo hoxe na reunión do Comité Territorial da Área de Cooperación Galicia – Norte de Portugal (AC1), integrado no Programa de Cooperación Interreg VI A España – Portugal (POCTEP) 2021-2027. Na sesión levouse a cabo unha analise e proposta de decisión ao Comité de Gestión (CG) sobre as candidaturas da 3ª Convocatoria de proxectos presentados ao programa.

 05/07/2023  

Os CES españois e franceses da RTA reforzan o seu vínculo e apostan por continuar traballando xuntos en beneficio do arco atlántico

RTA Sevilla

Unha recepción oficial no Parlamento de Andalucía puso o realce institucional á reunión que mantivieron en Sevilla os presidentes e secretarios xerais dos Consellos Económicos e Sociais das rexions atlánticas de España e Francia agrupados na Rede Transnacional Atlántica (RTA). Con esta xuntanza na capital andaluza, estes organismos consultivos reforzan os seus vencellos e apostan por seguir traballando xuntos en beneficio dos colectivos económicos e sociais das rexións do arco atlántico continental. O encontro foi o marco para a reunión do Comité de orientacións da organización, o seu máximo órgano de decisión. O CES-Galicia estivo representado polo seu presidente, Agustín Hernández, e o secretario xeral, Manuel Martínez.

 30/06/2023  

O CES presenta a Memoria sobre a situación económica e social de Galicia 2022

presentación Memoria 22

Preto de 90 valoracións e opinións sobre a realidade socioeconómica de Galicia compoñen o capítulo de Consideracións da Memoria sobre a situación económica e social de Galicia 2022, que o Pleno do CES aprobou hoxe por unanimidade. O documento foi presentado públicamente polo presidente do organismo, Agustín Hernández, ao carón da presidenta de turno da comisión encargada da redacción do mesmo, a representante da CEG no Consello Cristina Rama Molinos.

 27/06/2023  

Xornada sobre a problemática das vivendas de uso turístico (VUT)

Xornada sobre a problemática das vivendas de uso turístico (VUT) que organiza a Unión de Consumidores de Galicia –e na que colabora o CES–, que se celebrou o 27 de xuño no Museo Pedagóxico de Galicia (San Lázaro), en Santiago.

Páxinas