Consello Económico e Social de Galicia | foro permanente de diálogo entre as organizacións socioeconómicas e as institucións autonómicas

21/10/2021
O CES participa no II Foro de Economía Prospectiva de Galicia

No marco do II Foro de Economía Prospectiva de Galicia, que se celebra na Coruña, e logo da intervención inaugural da vicepresidenta primera do Goberno e ministra de Economía, Nadia Calviño, e da conferencia do economista e exministro de Administraciones Públicas Jordi Sevilla, o presidente do Consello Económico e Social de Galicia participou, xunto cos representantes sindicais, nunha mesa redonda sobre o futuro do emprego industrial na comunidade autónoma.

21/10/2021
O CES insta aos poderes públicos a tomar medidas para limitar os efectos negativos da reestruturación do sector financeiro

O Consello ve con preocupación o peche de oficinas no rural e nalgúns ámbitos urbanos

O Consello Económico e Social de Galicia insta á Administración a tomar medidas que sirvan para suavizar os riscos de exclusión que o proceso de reeestruturación do sector financiero está a producir, especialmente entre colectivos vulnerables ou nas zonas menos poboadas. A través dun posicionamento público aprobado onte pola Comisión Permanente, o organismo consultivo fai un chamamento aos poderes públicos para que, en coordinación co sector, establezcan medidas que limiten os efectos negativos que está a producir o proceso.

19/10/2021
Máis emprego, para máis persoas e en máis territorios, a través da economía social

Os distintos axentes do sector participaron na xornada organizada polo CES

Algo está a cambiar na mentalidade social cando se pensa na economía que ven. O futuro deberá ser capaz de xerar maís empregos de calidade, que cheguen a máis persoas e que se asenten en máis territorios, cun investimento diriixido as persoas, non só ao beneficio económico directo. Así o resumíu o presidente do Consejo Económico y Social de España, Antón Costas, no comezo da xornada sobre a economía social que organizóu o CES-Galicia en Santiago.

14/10/2021
O presidente do CES-Galicia, na tribuna de invitados do Parlamento no debate do Estado da Autonomía

O presidente do CES, Agustín Hernández, asistíu en representación do organismo ao debate do Estado da Autonomía, que comezou hoxe no Parlamento de Galicia. Hernández foi un dos invitados que ocuparon a tribuna do Pazo do Horreo, nunha xornada que se converteu, tamén, nunha homenaxe en lembranza do recentemente falecido conselleiro Valeriano Martínez.

Na imaxe, o presidente escoita o debate.

07/10/2021
O CES expresa as súas condolencias polo pasamento do conselleiro de Facenda, Valeriano Martínez

Os membros do Consello Económico e Social de Galicia expresan as súas condolencias polo pasamento do conselleiro de Facenda, Valeriano Martínez, falecido onte en Santiago. O CES amosa o seu pesar e envía o seu pésame á súa familia e achegados, cos que comparte a dor pola pérdida. QEPD.

01/10/2021
O CES organiza unha xornada sobre o situación actual e o futuro da economía social en Galicia

No encontro, que se celebrará en Santiago o vindeiro 18 de outubro, empresas, entidades, asociacións, administración e axentes sociais compartirán as súas experiencias sobre este modelo económico

Máis dunha ducia de expertos, representantes empresariais, membros de entidades e asociacións, responsables políticos e axentes sociais participarán o vinderio 18 de otubro na xornada sobre economía social que está a organizar o Consello Económico e Social de Galicia. O organismo consultivo vai reunir na Cidade da Cultara en Santiago de Compostela a algúns dos máis salientables coñecedores deste modelo económico diferente, que aúna a eficiencia empresarial cos valores de solidariedade, responsabilidade e cohesión social, que é quen de xerar riqueza pero tamén de corrixir desigualdades e desequilibrios sociais.

Páxinas

Que é o CES

Ditames, informes e publicacions

Indicadores de conxuntura da economía galega

Transparencia

VIII Premio Valentín Paz Andrade