inicio - Novas - O CES participa na reunión do comité consultivo de expertos externos da Facultade de CC. Económicas e Empresariais da USC

O CES participa na reunión do comité consultivo de expertos externos da Facultade de CC. Económicas e Empresariais da USC

 30/09/2021  

O Consello Económico e Social de Galicia, representado polo seu presidente, Agustín Hernández, foi un dos participantes na reunión do comité consultivo de expertos externos da Facultade de Ciencias Económicas e Empresariais da Universidade de Santiago de Compostela, que se xuntou hoxe. No encontro participaron responsables de entidades e organizacións, axentes sociais e representantes do eido dos recursos humáns de empresas para dar a coñecer as súas opinións sobre o enfoque para un eventual rediseño das competencias transversais (tanto académicas como psicoprofesionais) que pode ofertar a Universidade ante as novas demandas das empresas. Entre os participantes dos axentes sociais, estiveron presentes tamén, a través da vía telemática, representantes de entidades que fan parte do CES, como a CIG, UGT, CCOO, a CEG ou a economía social.