inicio - Novas
 20/12/2021  

O CES considera inaprazable a modernización da rede ferroviaria galega e esixe a priorización dos proxectos de infraestruturas de transporte correspondentes ao corredor atlántico

transporte mercaderías

O Consello Económico e Social ven da aprobar un manifesto no que considera “unha tarefa inaprazable” a modernización da rede ferroviaria galega e esixe as Administracións con competencias en materia de transportes a priorización dos proxectos de infraestruturas de transporte correspondentes ao corredor atlántico para acadar un incremento da participación do ferrocarril no transporte de mercadorías.

 15/12/2021  

A directora xeral de Emprego explica á Comisión sectorial nº1 as políticas da Consellería en materia de emprego xuvenil

Comparecencia Covadonga Toca

A directora xeral de Emprego, Covadonga Toca, explicou hoxe no marco dunha sesión da Comisión sectorial nº 1 as liñas de actuación da Consellería de Emprego e Igualdade en materia de emprego xuvenil. Logo de diagnóstico da situación da mocidade no mercado de traballo de Galicia efectuado polo CES nun recente informe, que constataba as dificultades de acceso dos máis novos ao mercado de traballo e para deseñar un proxecto de vida autónoma, a Comisión solicitou a presencia da directora xeral para que explicara as iniciativas que ten en marcha o seu departamento para axudar á mellora da empregabilidade dese colectivo.

A directora xeral salientou a prevalencia da temporalidade e a precariedade dos empregos que atopan os mozos e mozas galegos (indicou, por exemplo, que menos do 10% dos novos contratos asinados no último ano nesa franxa de idade foron indefinidos) e fixo fincapé na importancia da formación en todos os niveis. Na súa exposición, Toca explicou as programas novos do seu departamento, a consolidación doutras liñas xa en marcha e insistiu na necesidade de colaboración cos representantes económicos e sociais para acadar os mellores resultados.

 14/12/2021  

O CES-Galicia participa na mesa redonda sobre a importancia dos Consellos autonómicos con motivo do 30 aniversario do CES de Castela e León

CES CyL

O presidente do CES-Galicia, Agustín Hernández, participou hoxe, no marco da xornada “30 años de Consejo Económico y Social de Castilla y León”, nunha mesa redonda sobre o importante papel dos CES autonómicos celebrada na sede da institución castelá e leonesa. Organizado en colaboración do diario “El Español-NoticiasCyL”, o acto permitiu a representantes institucionais, dos sindicatos, a patronal e ás organizacións agrarias debatir sobre os retos de futuro e o actual esceario económico e social desa Comunidade Autónoma.

 13/12/2021  

O Parlamento fai súa a declaración institucional do CES en apoio da economía social

parlamento

O Parlamento de Galicia aprobou, na súa sesión do pasado venres, unha declaración institucional de apoio á economía social galega que recolle o mesmo texto que aprobara recentemente o CES e que se entregou ao presidente desa institución.

Pode ler a declaración completa en:

https://www.parlamentodegalicia.es/Actualidade/3468/declaracion-institucional-de-apoio-a-economia-social-galega/

 10/12/2021  

Reunión dos CES españois integrados na RTA para analizar a Estratexia Indicativa Ferroviaria

videollamada

Responsables dos CES españois integrados na RTA (Andalucía, Castela e León, Estremadura, Galicia e País Vasco) mantuvieron hoxe unha reunión (a través de videoconferencia) para analizar o documento relativo á Estratexia Indicativa Ferroviaria (que se atopa en período de información pública por parte do Ministerio de Transportes, Movilidad y Agenda Urbana), incluido no Plan de Recuperación, Transformación y Resiliencia (PRTR).

Esta estrategia persigue fornecer o desenvolvemento, mantemento e renovación da infraestructura ferroviaria, establecendo un marco financeiro e de prioridades para satisfacer as necesidades futuras de mobilidade e a sostenibilidade do sistema, así como a consecución dun espazo ferroviario único europeo. Para iso, preténdese mobilizar 24.200 millones de euros en investimentos entre 2021 e 2026 en consonancia coa Estrategia de Movilidad Segura, Sostenible y Conectada 2030, que sitúa ao cidadán e ao usuario no centro de todo o sistema con especial atención á mobilidade cotiá.

 02/12/2021  

Directivos da Fundación INADE visitan o Consello

reunión Inade

Responsables de la Fundación INADE, Instituto Atlántico del Seguro, visitaron o Consello Económico e Social para manter unha reunión de traballo. O presidente da entidade, José Ramón Santamaría Barreiro, acompañado do seu director, Adolfo Campos Carballo, entrevistaronse co presidente do CES e o secretario xeral e lles transmitiron diversas inquedanzas e propostas para a administración pública.

Páxinas