inicio - Novas
 13/07/2021  

O CES e a Universidade de Vigo asinan un convenio de colaboración para redactar un informe sobre os retos que supón a dixitalización para Galicia

Convenio UVigo O catedrático Xosé Henrique Vázquez dirixirá o estudio, que se presentará a finais de ano
 06/07/2021  

O presidente do CES participa na presentación aos axentes sociais do Mapa ferroviario de Galicia elaborado polo Eixo Atlántico

xuntanza Mapa ferroviario de Galicia

O presidente do CES-Galicia, Agustín Fernández, participou na presentacións aos axentes sociais do Mapa ferroviario de Galicia, un completo informe sobre a necesidade e estimacións presupostarias desta infraestrutura elaborado polo Eixo Atlántico. A xuntanza reuniu aos máximos representantes da Confederación de Empresarios de Galicia e os tres sindicatos maioritarios (CIG, CCOO e UGT) cos responsables do Eixo, que explicaron polo miudo o contido do documento e reclamaron a máxima unidade social para acadar a mellora das conexións ferroviarias de Galicia..

 02/07/2021  

O CES e o Colexio de Enxeñería en Informática colaborarán para que Galicia sexa máis dixital

Hernández e Suárez

Ambas entidades organizarán cursos, xornadas, seminarios e outras actividades de divulgación, editarán libros, publicacións e documentos de traballo e promoverán a actividade investigadora

O Colexio Profesional de Enxeñaría en Informática de Galicia (CPEIG) e o Consello Económico e Social (CES-Galicia) asinaron hoxe un convenio para o establecemento dun marco de colaboración entre ambas entidades que permita que Galicia sexa máis dixital. O acordo, que se selou na sede do Consello en Santiago, foi rubricado polos presidentes de ambas institucións, Fernando Suárez do CPEIG e Agustín Hernández do CES- Galicia.

A colaboración, con vixencia dun ano, permitirá a realización conxunta de cursos, xornadas, seminarios e outras actividades de divulgación, a edición conxunta de libros, outras publicacións e documentos de traballo e promoverá a actividade investigadora de ambas as dúas institucións mediante proxectos compartidos.

Na imaxe, Agustín Hernández e Fernando Suárez, na sede do CES.

 21/06/2021  

Comeza a elaboración do ditame sobre o anteproxecto de Lei reguladora dos xogos de Galicia

CS-1, xogo

A Comisión sectorial nº 1, Economía, emprego e sectores produtivos, xa está a traballar na redacción da proposta de ditame sobre o anteproxecto de Lei reguladora dos xogos de Galicia, solicitado polo procedemento de urxencia. Nunha primeira sesión, os membros puxeron en común as aportacións das distintas organizacións.

 14/06/2021  

O Consello Económico e Social entrega ao presidente do Parlamento a proposta dos CES atlánticos europeos para a revisión da rede transeuropea de transportes

parlamento

• O organismo consultivo destaca 8 prioridades elaboradas en colaboración cos seus socios españois e franceses na Rede Transnacional Atlántica

• Os CES atlánticos resaltan a importancia do cumprimento dos prazos de finalización das redes básica (2030) e global (2050)

O presidente do Consello Económico e Social de Galicia, Agustín Hernández, entregou esta mañá ao titular do Parlamento de Galicia, Miguel Ángel Santalices Veira, o informe “Cara a unha revisión da TEN- T para o espazo atlántico”, un documento que recolle as propostas e prioridades xerais deste organismo consultivo e os seus socios da Rede Transnacional Atlántica (RTA) para as futuras orientacións da Rede Transeuropea de Transportes (TEN- T).

 09/06/2021  

O CES presenta o seu informe sobre a empregabilidade da mocidade en Galicia

presentación informe emprego xuvenil

Temporalidade, precariedade, subemprego... a situación laboral dos máis novos no mercado de traballo, que xa era complicada, empeorou primeiro coa gran crise de 2008 e, recentemente, coa covid-19.

Páxinas