Os novos membros do Consello Económico e Social de Galicia toman posesión dos seus cargos

Os novos membros do Consello Económico e Social de Galicia, coa súa nova presidenta, Corina Porro Martínez, tomaron posesión dos seus cargos nun sinxelo acto intitucional desenvolvido na sede do organismo. Publicados os decretos de nomeamento o pasado 8 de xullo no Diario Oficial de Galicia, a presidenta e os membros designados polas organizacións, entidades e institucións representadas no Consello afrontan un período de catro anos de mandato.

O acto contou coa presencia, entre outras autoridades e invitados, do presidente da Xunta de Galicia, Alberto Núñez Feijóo, e do presidente saínte do CES, Pablo Egerique Martínez. A nova presidenta gabou o labor do seu antecesor e salientou o valor que ten acadar os máximos consensos para o seu traballo ao frente do organismo consultivo.