O organismo consultivo da Xunta de Galicia presentará mañá o seu novo traballo na vila pontevedresa

A área funcional de Lalín protagoniza o último informe do Consello Económico e Social de Galicia, recentemente aprobado por este organismo consultivo e que vai ser presentado ao público o vindeiro xoves, 16 de marzo. O estudio analiza a situación económica e social desa área funcional, que inclúe as comarcas do Deza e Tabeirós–Terra de Montes, con apartados específicos para a situación do emprego, os sectores productivos ou o panorama social, entre outros, e se completa coas consideracións consensuadas dos membros do Consello.

A devandita presentación terá lugar o xoves, 16 de marzo, ás 12:30 horas, no Auditorio Municipal de Lalín (rúa do Parque, s/n) e correrá a cargo do presidente do CES-Galicia, Pablo Egerique Martínez. O alcalde da localidade, José Crespo, será o anfitrión do acto, ao que foron invitados tamén os outros alcaldes dos concellos das comarcas obxecto de estudio.