Os membros do CES celebraron, no marco dunha sesión da Comisión sectorial nº 1, unha xornada de debate para afondar nas conclusións que se acadaron no recente informe "Tecido empresarial galego e dinâmica empresarial. Análise comparada", aprobado polo Pleno do CES o pasado 4 de decembro. As distintas organizacións expresaron as súas opinións sobre as máis de treinta propostas concretas que recolle o documento de cara a eliminar ou aminorar as dificultades que atopan as empresas gallegas para gañar dimensión e posición no mercado.

As tres conclusións principais, que se acadaron por unanimidade dos membros, foron as seguintes:

• Necesidade de procurar un equilibrio na distribución territorial das empresas en Galicia, impulsando a súa implantación máis alá dos polígonos industriais das áreas metropolitanas.

• A necesidade de poñer en valor os procesos de emprendemento daquelas empresas que se dedican á integración e ao traballo cos colectivos máis desfavorecidos e/ou modelos de gobernanza que favorezan a participación das persoas.

• A necesidade de fomentar o espírito emprendedor nas novas xeracións dende idades máis tempranas.

O director xeral do IGE, Jose Antonio Campo Andión, compareceu ante a Comisión Sectorial 1 que está a levar a cabo os traballos de elaboración do ditame do anteproxecto da lei de estatística de Galicia, para explicar o por qué deste texto e as novidades que nel se introducen con respecto á lei anterior.