inicio - Novas - Declaraci��n institucional apoio �� economía social galicia
 05/12/2023  

Aprobado o ditame sobre o anteproxecto de lei de promoción dos beneficios dos recursos naturais

recursos naturais

O Pleno do CES aprobou por maioria na súa sesión do pasado 4 de decembro o ditame sobre o anteproyecto de lei de promoción dos beneficios económicos e sociais dos proxectos que utilicen os recursos naturais de Galicia. O documento xa foi remitido ao presidente da Xunta.

 01/12/2023  

O CES acolle a presentación dun informe sobre demografía e cohesión social elaborado polo Eixo Atlántico

Demografía Eixo Atlántico

Máis de trinta propostas concretas e operativas para combater o reto demográfico, tanto no interior de Galicia coma no Norte de Portugal

Un plan de actuación con propostas concretas. Así definen os seus promotores o documento “Cohesión socioterritorial e despoboamento na Eurorrexión Galicia-Norte de Portugal”, que foi presentado hoxe na sede do CES en Santiago. Subtitulado “Proposta de liñas de actuacións e de accións estratéxicas para os territorios do interior”, o estudio prantexa actuacións concretas para a zona do interior da rexión coa idea de que “é momento para falar menos e facer máis”.

O presidente do CES salientou a importancia do asunto e o momento e gabou o traballo elaborado.

 23/11/2023  

O órgano de dirección da RTA estudia abrir a rede á institucións de Irlanda e Gales

RTA Burdeos

Reunión do Comité de Orientacións da organización celebrada en Burdeos

Presidentes e secretarios xerais dos CES españois e franceses que conforman a Rede Transnacional Atlántica (RTA) celebraron estes días na cidade francesa de Burdeos unha nova reunión do Comité de Orientacións da organización. O novo presidente do CES-Galicia, Manuel Pérez, tivo ocasión de participar por primeira vez nunha sesión do órgano directivo da rede, que agrupa aos Consellos Económicos e Sociais da fachada atlántica europea.

Entre outros asuntos, o Comité elixiu ao novo presidente para os vindeiros dous anos, cargo que corresponderá ao representante do CESER da rexión francesa de Bretaña, Patrick Care. Os participantes debateron tamén a posibilidade de ampliar a rede de entidades implicadas para dar cabida a organismos homólogos de Irlanda e País de Gales, territorios que comparten ubicación xeográfica e problemas comúns coa actuáis membros.

 02/11/2023  

O presidente explica as contas do CES para 2024 na comisión parlamentaria de Orzamentos

parlamento orzamento

O recentemente nomeado presidente do CES-Galicia, Manuel Pérez Álvarez, estreou o seu novo cargo explicando os presupostos do organismo para o vindeiro exercicio nunha comparecencia na comisión parlamentaria de Orzamentos, no marco das sesións informativas en relación co Proxecto de lei de Orzamentos xerais da Comunidade Autónoma de Galicia. Pérez salientou que un dos seus obxectivos para o seu mandato é acadar un maior achegamento do Consello á cidadanía e promover o valor do esforzo conxunto de todos os membros polo consenso nás súas opinións.

O presidente sinalou que as contas do CES serán similares ás de este exercicio, cun incremento que estará preto do 4%, e expresou a súa convicción de que servirán para cumprir coas funcións encomendadas ao organismo consultivo e abordar os proxectos en marcha.

Na súa intervención, Manuel Pérez fixo tamén un repaso á actividade do Consello ao longo deste ano e apuntou algunhas das actuacións que están previstas para 2024, nun calendario que aínda está pendente de concretar e aprobar polo Pleno do organismo.

Os voceiros dos tres grupos parlamentarios salientaron a importancia do traballo do CES, do seu compromiso con Galicia e a súa independencia.

 24/10/2023  

Manuel Pérez Álvarez toma posesión do seu cargo como presidente do CES-Galicia

toma posesión Manuel Pérez

Ilusión, vocación de servicio, capacidade de traballo e confianza no diálogo. O novo presidente do Consello Económico e Social de Galicia, Manuel Pérez Álvarez, tomou hoxe posesión do seu cargo cun breve discurso no que salientou algunhas das liñas de actuación do seu mandato. Nun acto celebrado na sede do Consello en Santiago, coa presencia de numerosas autoridades, familia, amigos e membros do CES, Pérez agradeceu ao presidente da Xunta, Alfonso Rueda, a súa confianza na súa capacidade para “traballar en beneficio de Galicia”.

A sesión serviu tamén como despedida a Agustín Hernández, que deixou o cargo a petición propia logo do remate do seu mandato cuatrienal. O presidente saínte agradeceu aos membros do Pleno o traballo realizado e expresou os seus mellores desexos para o novo presidente.

Pola súa banda, o presidente da Xunta pechou o acto agradecendo o labor de Hernández e cos mellores desexos para o novo presidente do CES no cometido de escoitar o que ocurre no tecido socioeconómico de Galicia e trasladalo ao Executivo.

Na imaxe, Manuel Pérez saúda a Alfonso Rueda en presencia de Agustín Hernández.

 04/10/2023  

La Xunta propone a Manuel Pérez Álvarez como presidente del Consello Económico e Social de Galicia

La Xunta de Galicia propone a Manuel Pérez Álvarez cómo nuevo presidente del Consello Económico e Social de Galicia (CES), en relevo de Agustín Hernández. Después de trasladarle esta propuesta a todas las organizaciones sindicales y empresarios y al resto de asociaciones y entidades representadas en el pleno del organismo consultivo, el nombramiento corresponde al presidente de la Xunta, tras la comparecencia del candidato en el Parlamento.

Páxinas