A fonte estat stica que se utiliza para acada-las determinacións deste apartado é a Enquisa de Poboación Activa (EPA). No presente ano 2002 a técnica de elaboración desta enquisa experimentou unha importante modificación metodolóxica. Con base na nova metodolox a poden establecerse determinados resultados para o ano en curso e para o anterior, alomenos no que atinxe ós grandes números; pero non é posible determinar resultados sectorializados pormenorizados e, en consecuencia, non é posible establecer comparacións desegregadas cos anos anteriores, que é o obxectivo da análise da Memoria do Consello Económico e Social de Galicia.

Na elaboración da presente Memoria, o Consello (co mesmo criterio adoptado polo Consejo Económio y Social do Estado) utilizou os datos da EPA oriximal ou tradicional, precisamente para poder establecer comparacións desagregadas cos datos dos anos anteriores, anos nos que os datos obtivéranse de acordo coa mesma metodolox a da enquisa. Outra cousa será o que ocurra a partir do ano 2002, cando, coa utilización da nova metodolox a ­EPA 2002­, a comparación dos datos entre un ano e o anterior será posible a tódolos niveis de desegregación.

Cómpre facer esta advertencia porque é posible que, noutras publicacións, podan atoparse cifras e porcentaxes diferentes ós que figuran na Memoria polo que atinxe ás mesmas realidades, como a poboación ocupada, a taxa de crecemento do emprego, a poboación parada ou a taxa de desemprego, por exemplo. Pero se o importante é a tendencia das cifras entre as dun ano e o per odo anterior e non as diferencias dos seus valores absolutos producidas por trocos metodolóxicos, os resultados non van ser moi diferentes e, en consecuencia, pódese afirmar que:

• a creación de emprego neto foi positiva (EPA orixinal: 0,1% / EPA 2002: 2,6%)
• a creación de emprego neto en Galicia foi lixeiramente inferior á creación de emprego a nivel estatal (EPA orixinal: 1,9 puntos / EPA 2002: 1,1 puntos)
• no sector primario a poboación ocupada descendeu de xeito importante (EPA orixinal: 12,4% / EPA 2002: 9,4%). A maior ca da prodúcese na agricultura (12,4% ou ben 9,4%))
• o emprego nos sectores non primarios (industria, construcción, servicios) aumentou significativamente (EPA orixinal: 2,8% / EPA 2002: 5,1%)
• o sector máis dinámico foi a industria (EPA orixinal: 8,1% / EPA 2002: 11%), seguida do sector da construcción (1,5% ou ben 5,3%) e o sector servicios (1,3% ou ben 3%).

A poboación parada tamén reduciuse no ano 2001. A aplicación dos datos da EPA orixinal dá unha taxa de reducción do desemprego do 7,4% (notablemente inferior á que facilita a aplicación da EPA 2002: 27,6%). A discrepancia na utilización dun ndice ou outro tamén ponse de manifesto nas cifras da poboación total parada en Galicia no ano 2001: 158,7 miles de persoas cos datos da EPA orixinal fronte a 131,8 miles de persoas segundo datos da EPA 2002.