Para o cumprimento das súas funcións e para a participación efectiva dos seus membros nos traballos do Consello, o CES-Galicia actúa a través de dous tipos de órganos:

• Órganos colexiados: o Pleno, a Comisión Permanente e as Comisións Sectoriais.

• Órganos unipersonais: o Presidente e o Secretario xeral.

Como órgano de apoio o Consello existe o Gabinete Técnico, integrado por expertos en materias socioeconómicas e que actúa baixo a presidencia do Secretario Xeral.

O órgano de goberno do Consello Económico e Social é o Pleno, composto polos 33 membros representantes das forzas económicas e socias, o secretario xeral e mailo presidente. Tódolos membros teñen dereito a voto nas sesións, agás o secretario. O máximo órgano do CES reúnese con carácter ordinario cada tres meses (un m nimo de catro
veces no ano) e, de xeito extraordinario, sempre que sexa convocado polo presidente ou por acordo da Comisión Permanente. Noutro apartado desta memoria desglósase á actividade do Pleno ó longo deste ano de actividade.

O Pleno adopta os seus acordos por maior a simple de votos. Os casos de posible empate resólvense polo voto de calidade do presidente.

Este órgano é o encargado de establece-las liñas xerais da actuación do Consello, aproba-los estudios, informes ou dictames por propia iniciativa ou a petición da Xunta de Galicia, acorda-la elaboración de estudios ou informes que podan favorecer o desenvolvemento socio-económico de Galicia e aproba-la memoria sobre a situación económica e
social en Galicia. Nas vindeiras páxinas atópase un resumo das actividades do Pleno neste senso.

Ademais, o Pleno do CES aproba a proposta de anteproxecto de orzamento e adopta tódolos acordos necesarios para a correcta organización e funcionamento interno.

A Comisión Permanente é o órgano colexiado colaborador do Pleno no goberno do Consello. Está composta polo presidente, o secretario xeral e nove membros titulares do CES, a razón de tres representantes da cada un dos grupos do mesmo, para mante-la proporcionalidade da súa representación.

A Comisión Permanente reúnese sempre que é convocada polo presidente, pero tamén por solicitude de, alomenos, tres dos seus membros. É a Comisión a encargada de convoca-lo Pleno e fixar, xunto co presidente, a correspondente orde do d a.

Entre as súas funcións, destaca a supervisión das actividades do Consello e a coordinación dos traballos das diferentes comisións, as como efectua-lo seguimento dos dictames, estudios ou informes emitidos polo CES e darlle conta dos mesmos ó Pleno a través do presidente. En xeral, a Comisión Permanente eleva ó Pleno canto estima
necesario para o mellor funcionamento do Consello.

As comisións sectoriais son grupos de traballo que teñen adscritas as tarefas cotiás do Consello. En xeral, os traballos do CES están repartidos en catro comisións sectoriais, cada unha delas composta por nove membros, tres
por cada un dos grupos representados no Consello. Estas catro comisións sectoriais teñen carácter permanente.

A Comisión Sectorial 1, denominada Econom a, emprego e desenvolvemento territorial, é a encargada de aborda-los asuntos de ndole preferentemente económica e de desenvolvemento de Galicia.

A Comisión Sectorial 2, Calidade de vida e protección social, faise cargo dos estudios ou informes que inciden de xeito primordial nos aspectos sociais da realidade galega.

A Comisión Sectorial 3, Unión Europea, centra a súa actividade nos retos, tanto económicos como sociais, que a pertenza de Galicia á Unión Europea plantexa á comunidade.

A Comisión Sectorial 4, Memoria sobre a situación socioeconómica, ten como misión redactar un informe global sobre o estado da econom a e a sociedade de Galicia desde unha óptica xeralizadora.

O presidente do CES é nombrado, para un per odo de catro anos, polo presidente da Xunta de Galicia, por proposta conxunta dos conselleiros de Econom a e Facenda e de Xustiza, Interior e Relacións Laborais, despois de consultar ás entidades, organizacións e asociacións representadas no Consello.

As competencias espec ficas atribuidas ó presidente pola normativa do Consello son, entre outras, as seguintes:

- Representa-lo Consello e dirixi-las súas actuacións, en colaboración coa Comisión Permanente.

- Dirixi-los debates dos órganos colexiados que presida, dar por concluidos éstes cando considere que a deliberación foi suficiente, someter a votación as propostas correspondentes e proclama-los resultados delas.

- Dirimi-los eventuais empates co seu voto de calidade.

- Trasladar ás comisións sectorias correspondentes as solicitudes de dictames, estudios ou informes recibidas e face-lo seguimento do procedemento establecido para a súa elaboración e posterior aprobación polo órgano
competente.

- Visa-las actas, ordena-la publicación dos acordos e dispoñe-lo necesario para o seu cumprimento.

- Remiti-los dictames, informes ou estudios á Xunta de Galicia e os conselleiros.

- Executa-los acordos do Pleno e máis a Comisión Permanente e velar polo bo funcionamento do Consello.

O secretario xeral é o órgano de asistencia técnica e administrativa do Consello e o depositario da fe pública dos seus acordos. É nomeado polo Consello da Xunta de Galicia, por proposta conxunta dos conselleiros de Econom a e Facenda e de Xustiza, Interior e Relacións Laborais, entre funcionarios do grupo A, despois de consulta-las entidades, organizacións e asociacións representadas no CES.

Entre outras, corresponden ó secretario xeral as seguintes competencias espec ficas:

- Exerce-la dirección administrativa e técnica dos distintos servicios do Consello e velar por que os seus órganos actúen conforme ós principios xerais que informan as actuacións das administracións públicas.

- Redacta-las actas das sesións, as que asiste con voz pero sin voto, autoriza-las coa súa sinatura e da-lo curso correspondente ós acordos que se adopten.

- O secretario xeral exerce a xefatura do persoal do Consello, a dirección do Gabinete Técnico e é o depositario dos fondos do CES, formula as propostas de gasto e libra os pagamentos autorizados.