O ámbito obxectivo para o exercicio das funcións atribuidas ó Consello Económico e Social de Galicia, é decir, as competencias do CES, son as materias socioeconómicas directamente vinculadas ó desenvolvemento económico e social de Galicia.

Segundo o acordo tomado polo Consello da Xunta na súa reunión do d a 18 de febreiro de 1999, enténdese por materias socioeconómicas as relativas a economía, fiscalidade, emprego e seguridade social, agricultura e pesca, educación e cultura, saúde, consumo, medio ambiente, transporte e comunicacións, industria e enerxía, vivenda e mercado único europeo.

O procedemento para que o Goberno galego solicite a actuación do CES foi definido tamén polo Consello da Xunta na devandita sesión, nos seguintes termos:

1.- Correspóndelle ó Presidente da Xunta solicitar do Consello Económico e Social de Galicia a emisión de ditames ou informes sobre anteproxectos de lei, proxectos de decretos lexislativos e plans xerais ou sectoriais a que se refire o artigo 5.1.1. da Lei 6/1995, do 28 de xuño, as como aqueloutros dos que a solicitude teña carácter preceptivo.

2.- Os departamentos ou consellerías con competencias para a elaboración dos anteproxectos, proxectos e plans sinalados no apartado 1 deste acordo, cando fose preceptivo o informe do Consello Económico e Social de Galicia, de acordo coa súa lei de creación, interesarano do presidente da Xunta.

A petición de ditames irá acompañada de toda a documentación necesaria para se poder pronunciar.

3.- Cando os departamentos ou consellerías competentes estimen que os anteproxectos, proxectos ou plans a que se refire o punto 1 deste acordo non requiren ditame preceptivo do CES-Galicia, xustificarán o dito extremo mediante a incorporación ao expediente dunha memoria, asinada polo secretario xeral, na que se precisen as razóns polas que non se considera preceptivo o dictame, salvo no caso de que este finalmente se interese.

Cómpre destacar que a existencia na Comunidade Autónoma do Consello Galego de Relacións Laborais (CGRL), a súa existencia e ámbito de actuación ven respetada pola propia lei de creación do CES-Galicia na Disposición Derradeira Primeira, permite excluír do ámbito de competencias do CES as cuestions relativas ás relacións laborais, strictu sensu, xa que a competencia para informar ou ditaminar sobre a actividade normativa na que se concreta a política laboral da Xunta ven atribuida, pola súa lei de creación, o devandito Consello Galego de Relacions Laborais (CGRL). Este ámbito queda, polo tanto, fóra da actividade do CES e na súa Memoria anual, por exemplo, só recolle os datos ofrecidos polo CGRL.