| Hispalink-Galicia |
Situación
y perspectivas económicas de Galicia |
O grupo Hispalink
emprega información do INE e estimacións propias para analizar
e revisar a situación conxuntural da economía das diferentes
CC.AA. No caso da galega, Hispalink-Galicia realiza este boletín
no que analiza a situación conxuntural, establece previsións
para cada sector económico e presenta unha lista de suxerencias
en materia de política económica para correxir a situación. |
| Insituto de Estudios Económicos
de Galicia Pedro Barrié de la Maza |
Síntese
económica de Galicia |
O Instituto de
Estudios Económicos de Galicia, da Fundación Barrié de
la Maza, realiza periodicamente esta análise do momento económico
da C.A. comparando os principais indicadores (indicadores xerais, industria,
construcción, servicios, indicadores de demanda, mercado de traballo,
prezos e salarios e comercio exterior) cos do Estado. |
| La Caixa-Servicio
de Estudios |
Informe
Mensual |
O
Servicio de Estudios de La Caixa analiza a conxuntura da economía
española, a conxuntura internacional (Xapón e EE.UU, especialmente)
e a evolución das principais macromagnitudes da zona Euro. Mensualmente,
tamén ofrece unha evolución dos recursos de acreedores
das caixas de aforros, agrupadas por CC.AA. |
|
OCDE |
Main
Economic Indicators |
Trátase
da estatistica conxuntural básica das que publica a OCDE. Dende
o mes de marzo de 2000, inclúe tamén datos correspondentes
a países non membros da organización. |
| OCDE |
Economic
Outlook |
A
OCDE realiza unhas previsións económicas periódicas
nas que adianta os principais datos macroeconómicos para EE.UU.
Xapón, a zona Euro, os países da UE-15 e para o total dos
membros da OCDE. |
| Instituto Nacional
de Estadística |
Contabilidad
Nacional de España.Base 1995 |
Estatística
de síntese que ten como obxectivo básico proporcionar
unha descripción cuantitiativa do conxunto da actividade económica
española, a través dun cadro macroeconómico trimestral,
elaborado dende a óptica de oferta e da demanda. Axústase á Contabilidade
Nacional de España de carácter anual.
Os principais agregados que contén son: VEB a
prezos básicos, PIB a prezos de mercado, gastos en consumo final,
formación bruta de capital fixo,renda nacional a prezos de mercado,
renda disponible, etc. Dende abril de 1999, realizase segundo a metodoloxía
SEC-1995. |
| Instituto Galego de
Estatística |
Contabilidade
Trimestral de Galicia |
Datos
do VEB a prezos constantes de 1986 e variacións trimestrais, dende
1980, distribuidos por sectores económicos. |
| Instituto Nacional
de Estadística |
Indices
de Precios Industriales |
Mide
a evolución mensual dos prezos dos productos industriais fabricados
e vendidos no mercado interior, no primeiro paso da súa comercialización, é dicir,
dos prezos de venda á saída de fábrica obtidos polos
establecementos industriais nas transaccións que estes efectuan,
excluindo os gastos de transporte, comercialización e o IVE facturado.
A Enquisa investiga máis de 6.000 establecementos comerciais cunha
cobertura que extende a tódolos sectores industriais excepto á construcción.
O IPRI actual ten base 1990 e unha metodoloxía armonizada coa
dos países da UE. Ofrece datos correspondentes ó indice
xeral de prezos e os prezos clasificados en base á CNAE e por
destino económico dos bens. |
| Instituto Nacional
de Estadística |
Indices
de Precios de Consumo |
Medida
estatística da evolución do conxunto de prezos dos bens
e servicios que consume a poboación residente en vivendas familiares
en España. Na actualidade, o INE emprega a base 1992 . Para cada
mes os ficheiros conteñen a seguinte información: índices
xerais e de grupos de gasto, índices de grupos especiais, índices
nacionais de rúbricas, índices xerais e de grupos das CC.AA
e índices xerais de provincias. |
| Instituto Nacional
de Estadística |
Encuesta
de Salarios en la Industria y los Servicios |
O
obxectivo desta estatística é proporcionar información
dos niveis e da evolución da ganancia media por hora, a ganancia
media por traballador e mes e o número medio de horas traballadas.
A enquisa investiga cada trimestre uns 9.500 establecimientos de tódolo
territorio estatal, e un ámbito poboacional relativo a tódolos
asalariados que exercen a súa actividade laboral en centros con
5 ou máis traballadores, calquera que sexa a súa modalidade
de contrato e a súa xornada laboral. A desagregación dos
datos chega a nivel de C.A. e a súa cobertura sectorial exténdese
a 45 ramas de actividade económica. No derradeiro trimestre de
cada ano a información diferénciase por sexos. |